>> बेरक्याला माहिती देण्यासाठी ई - मेल करा - berkya2011@gmail.com

मंगळवार, २३ ऑगस्ट, २०१६

फुकट्यांच्या शोधात ‘‘मी मराठी’’ने बाजार भरवला...

मुंबई  - गेल्या अनेक दिवसांपासून अनेक वृत्तवाहीन्यांच्या स्पर्धेत राहून एकाच बातमीपत्राच्या आधारे टाॅपवर राहण्याचे स्वप्न पाहणा-या मी मराठीला आता शेवटची घरघर लागली आहे. महेश मोतेवारांच्या अडचणीत दिवसेंदिवस वाढच होताना पहावयास मिळत आहे. मोतेवार बाहेर येतील अन् सर्व कांही सुरळीत होईल ही अपेक्षा असतानाच त्यांच्या पत्नीलाही गजाआड व्हावे लागले. परिणामी गेल्या कांही महिण्यांपासून मोतेवारांच्या सुटकेची अपेक्षा ठेवलेल्या प्रतिनिधींच्या अपेक्षेवर लिना मोतेवारच्या अटकेने पाणी पडले. त्यातच जिल्हा प्रतिनिधी म्हणून काम करणा-या बहुतांश स्ट्रिंजरच्या गेल्या आठ महिण्यापासून पगारी थकल्या. त्यामुळे अनेकांनी मी मराठीला स्वतः होऊन रामराम ठोकला तर कांहींनी पगारी मागीतल्या म्हणून त्यांना कामावरून कमी केले. अर्थात अनेक स्टिंजर्रना मी मराठीने नियुक्तीपत्रच न देता काम करवून घेतल्याने कोर्टाचे दरवाजेही त्यांच्यासाठी उघडणार नाहीत हे माहित असलेल्यांनी मात्र तोंड दाबुन बुक्यांचा मार खाल्ला आहे. संपादक पदाची जबाबदारी हाती घेवून मी मराठीला शिखरावर पोहचवण्यासाठी ज्या तुळशीदास भोईटेंनी विडा उचलला होता. त्यांनी मॅनेजमेंटच्या कुरापतीला कंटाळून राजीनामा देवून सल्लागार म्हणून राहणे पसंत केले होते. त्याचे मानधन त्यांना सुरू होते. पण आता तेही गेल्या 4 महिण्यापासून थकविण्यात आल्याने त्यांनीही मी मराठीला माध्यम सल्लागार मधून बाहेर पडून अखेरचा जयमहाराष्ट्र केलाय.
मागील आठ आठ महिण्यांपासून कर्मचा-यांच्या पगारी थकवल्याने अनेकजण कंटाळून मी मराठी सोडून बाहेर पडत असतानाच पुन्हा एकदा अनुभव असो किंवा नसो, नवशिख्यांना क्षीतीजापलीकडे झेप घेण्याचे स्वप्न पुर्ण करण्याचे दिवास्वप्न दाखवून फुकटयांची हास्यास्पद भरती मी मराठीने सुरू केलीय. त्याच फुकटात काम करणा-यांच्या जोरावर विजय शेखर व राहूल पहुरकरांची जोडगोळी मी मराठीचा शेवटचा श्वास रोखून धरण्याचा केवीलवाणा प्रयत्न करताहेत. त्यांत ते कितपत यशस्वी होऊन आपल्या गलेलठ्ठ पगारी कायम ठेवण्यात यशस्वी होतात हे येणारा काळच ठरविणार आहे. फुकटात काम करणा-यांना आमचा विरोध असण्याचे कारण नाही पण केवळ एका अनुभव कागदासाठी जो मीळेल की नाही याचीही शास्वती नसताना आपल्यातील स्वाभिमानाला गहाण टाकणा-यांना आमचा सवाल आहे. फुकटात कोणतेही काम करू नका, तुमच्या श्रमाचा मोबदला मागा. तुमच्याच श्रमावर संपादकिय मंडळ हे गलेलठ्ठ पगारीचा ताळमेळ घालीत आहेत. महेश मोतेवार व लिना मोतेवारच्या अटकेनंतर आता शेवटच्या घटका मोजत असतानाही फुकटच्या श्रमावर पुन्हा मी मराठी तरेल का? हा प्रश्न शेवटी अनुत्तरीतच रहात आहे.

रविवार, २१ ऑगस्ट, २०१६

पुढारीच्या पाठीत खंजीर खुपसून एस.के.एकमतच्या दारात

औरंगाबाद - बेरक्याची बातमी शंभर टक्के खरी ठरली आहे.कार्यकारी संपादक म्हणून निवड झालेल्या एस.के.ने पुढारीच्या पाठीत खंजीर खुपसून एकमतची वाट निवडली आहे.त्यामुळे नकटीच्या लग्नाला शतराशे साठ विघ्ने अशी पुढारीची अवस्था झाली असून,येत्या १७ सप्टेंबरचा मुहूर्त पुढे ढकलण्याची पाळी पुढारीवर येणार आहे.आतापर्यंत एस.के.ने दिव्य मराठी,लोकमत आणि आता पुढारीस धोका दिला असून,त्याची विश्वासर्हता फार धुळीला मिळाली आहे.
आर.टी.आणि एस.के.ची मागील लोच्यावरून पुण्यनगरीतून हकालपट्टी झाल्यानंतर आर.टी.पुन्हा पुढारीच्या दारात गेले होते,परंतु तेथे कल्याण पांडे यांनी जागा अडवून ठेवल्याने त्यांनी देशमुखांच्या बाभुळगावची गढी गाठली.सोबत परममित्र,परमस्नेही आणि ग्लासमेंट एस.के.होते.दोघांनी अमित देशमुख यांना एक कोटीची ऑफर दिली.तुम्ही औरंगाबाद आवृत्ती सुरू करा,सर्व खर्च भागवून वर्षाला एक कोटी आणि शिवाय तुमची सारी प्रसिध्दी करून देण्याचा विडा उचलला.
हे दोघेही बीडच्या ताईची शिफारस घेवून गेले होते.ताई लातूरच्या पालकमंत्री आणि वडीलांपासूनचे नाते,यामुळे अमित भैय्यांनी होकार दिला असून,आर.टी.हे एकमतचे सरव्यवस्थापक तर एस.के.हे औरंगाबाद आवृत्तीचे संपादक असा बेत ठरला आहे.त्यामुळे एस.के.पुढारीत जॉईन झाले नाहीत.इकडे लातूरला पुढारीतून आलेल्या मंगेशास कसलाही थांगपत्ता नाही.सारे काही परस्पर ठरले जात आहे.मंगेशाही सपशेल फेल ठरल्याने एस.के.ची टांगती तलवार मंगेशाच्या डोक्यावर लटकणार आहे.
पुढारीच्या कार्यकारी संपादक पदासाठी एस.के.ची निवड केल्यास मोठी समस्या निर्माण होईल,असा इशारा बेरक्याने दिला होता,परंतु पद्मश्रींच्याजवळ असलेल्या सुरेश पवार यांनी मोठा घोळ गेला.त्यांनी एस.के.ची निवड केली.एस.के.पुढारीत आल्यामुळे पिंपळवाडकर पुण्यनगरीत गेले.आता तेल गेले,तूप गेले आणि हाती धुपाटणे आले अशी म्हणण्याची पाळी पुढारीवर आली आहे.
पुढारीची औरंगाबाद आवृत्ती १७ सप्टेंबर रोजी सुरू होणार होती.अजून कार्यकारी संपादकाचा पत्ता नाही.आहे ते चार दोन कर्मचारी पुन्हा जुन्या ठिकाणी जात आहेत.त्यामुळे पुढारीचा लॉचिंगपुर्वीच फियास्को झाला आहे.
जिथे आर.टी.तिथे एस.के.ही जोडगोळी का,याचे उत्तर आहे,पॉकेट जर्नालिझम.या दोघांच्या अनेक सुरस कथा बेरक्याकडे येत आहेत.ते यथाआवकाश प्रसिध्द करू.मात्र एस.के.ने दिव्य मराठीला धोका देवून पुण्यनगरी जॉईन केले.लोकमतला सिटी एडिशनचा संपादक म्हणून जॉईन होतो म्हणून पुन्हा पुण्यनगरीतच राहणे पसंद केले आणि आता पुढारीला येतो म्हणून एकमत जॉईन करणे,हा गेल्या पाच वर्षातील तिसरा धोका आहे.यामुळे एस.के.ची विश्वासर्हता शून्य झाली असून,एस.के.चा एकमत हा शेवटचा पेपर राहील.तसेच  आर.टी.आणि एस.के.यांचे हे एकमत किती दिवस टीकणार,हे आगामी काळातच कळेल.
आता पुढारीला नविन कार्यकारी संपादक शोधावे लागेल.पर्याय एकच आहे.मुुंबईहून विवेक गिरधारी यांना औरंगाबादला आणून बसवणे आणि गिरधारी आले तर औरंगाबाद आवृत्ती दमदार सुरू होतील अन्यथा पुढारी असून नसल्यासारखा राहील.पुढारीवाल्यांनो आता तरी शहाणे व्हा.चांगली माणसे निवडा.ज्या गावच्या बोरी,त्याच गावच्या बाभळी असतात,आता तरी पटले ना...

सिंधूचा अपमान वाटण्यामागील एबीपीचे नवे 'अभि'रत्न


उघडा डोळे बघा निट म्हणणाऱ्यांची सिंधूचा अपमान वाटत असल्याची पोस्ट सध्या सोशल मिडियात फिरत आहे. पिऊन काम करण्याचा हा 'अभि'जात पराक्रम आहे. त्यामागची पार्श्वभुमी काहीशी अशी आहे.

'माझा'तून माणिक रत्न गेले आणि इतरांची 'खिचडी' करत 'अभि'जात पर्व सुरु झाले. संपादक सासरे असल्याच्या अर्विभावात 'अभि'रत्नाने आपला जम बसवला. खुर्चीचा गुण म्हणा किंवा आणखी काही, माणिक रत्नाचा बाई-बाटलीचा छंद अभिरत्नाही लागला. एवढा की संपादक असेपर्यंत मी किती काम करतो, असे दाखवायचे आणि ते गेल्यावर ऑफीसखाली जाऊन तासनतास फोनवर बोलत बसायचे. फेसबुक आणि वॉट्सअपवर चॅटींग रंगते ते वेगळेच. ऑफीसच्या पिसीवर ही चॅटींगलिला अनेकांनी पाहिलीे आहे.  त्याच्या खरपुस चर्चाही रंगल्या आहेत. अर्थात आपल्याला कुणाच्या वयक्तिक आयुष्यात डोकावण्याचा अधिकार नाही, मात्र इतरांना त्याचे परिणाम भोगावे लागत असल्याने अभिरत्नाचे हे पराक्रम समोर येणे गरजेचे आहे.

तर हे रत्न हल्ली रोज टेन्शनमध्ये असते. सहकाऱ्यांवर डाफरते. खिचडी करण्याची धमकी देते. मराठीचा लिडिंग अँकर असलेले एकजण तर स्वेच्छाबदली मागून ठाण्यातून आपले कर्तव्य 'भागवत' आहेत. ऑफिसमधले अनेक जण या सनकी वागण्याला कंटाळले आहेत. एवढे असूनही आवाज उठला नाही म्हणून या रत्नाची भिड चेपली आहे. प्राईम टाईम झाल्यानंतर लफड्यांच्या वादामुळे हे रत्न ऑफिसमधल्याच एखाला घेऊन ऑफिससमोरच्या बारमध्ये जाऊन बसते. हल्ली तर भरदुपारी या रत्नाला बारच्या दरवाजातून बाहेर पडताना अनेकांनी पाहिले आहे. भर दुपारी लावून आल्यावर जीभ नाही पण हात तर घसरणारच ना? त्यातून सिंधूचा अभिमान वाटण्याऐवजी अपमानच वाटला तर त्यात नवल वाटण्यासारखे काय आहे?

ऑफिसमध्ये एवढे महाभारत सुरु असताना संपादकांना ते माहित नसेल असे नाही. तरीही ते डुलक्या घेत असतील तर म्हणावे लागेल उघडा डोळे, बघा निट.

पुढारीचे कार्यकारी संपादक कुणी पाहिले का हो ?

मित्रानो,औरंगाबादहून एक खळबळजनक बातमी हाती येत आहे.पुढारी सुरू होण्याअगोदरच नाट्यमय घडामोडी घडत आहेत.एस.के.पुढारीत येणार म्हणून भालचंद्र पिंपळवाडकर पुण्यनगरीत गेले,परंतु एस.के.ही पुढारीची सूत्रे न घेता एकमतचा रस्ता पकडल्याची चर्चा संपूर्ण मराठवाड्यात पसरली आहे.एस.के.16 ऑगस्ट रोजी पुढारीची सुत्रे हाती घेणार होते,परंतु सहा दिवस झाले तरी त्यांनी पुढारीत पाऊल ठेवले नाही,त्यामुळे या चर्चेला तोंड फुटले आहे..बेरक्याने स्पष्ट इशारा देवूनही पद्मश्रींनी कार्यकारी संपादकपदासाठी एस.के.ची निवड केली,एस.के.येणार म्हणून निवासी संपादक पिंपळवाडकर गेले,त्यामुळे तेल गेले,तूप गेले आणि हाती धुपाटणे आले म्हणण्याची पाळी पुढारीवर आली आहे.या नाट्यमय घडामोडीमुळे पुढारी 17 सप्टेंबर रोजी सुरु होण्याची शक्यता फार कमी आहे.पुढारीचा औरंगाबादेत लॉंचिगपुर्वीच फियास्को झाला आहे. 
सध्या पुढारीच्या कार्यालयात मोठ्या प्रमाणावर अस्वस्थता पसरली आहे. कारण काय, तर नियुक्तीची घोषणा आणि पदभार स्वीकारण्याचा दिवस सोडला तर कार्यकारी संपादक अजूनही नोकरीवर हजर झालेले नाहीत. लातूरच्या एकमतमध्ये ते संपादक म्हणून रूजू झाल्याची चर्चा आहे. आधीचे निवासी संपादकाची नाराजी पत्कारत, पुण्यनगरीतून हाकललेल्या व्यक्तीच्या हाती पुढारीची सूत्रे देण्याचा घाट, ज्यांनी कुणी रचला होता, ते आता चांगलेच अडचणीच सापडले आहेत. दुसरीकडे, पुढारीचे कर्मचारी हे कार्यकारी संपादकच दिसत नसल्याने, आमचे कार्यकारी संपादक कुणी पाहिले का हो? असा प्रश्‍न ज्याला त्याला करत आहेत.
एका व्यक्तीच्या मनमानी कारभारामुळे पुन्हा एकदा पुढारीला औरंगाबादेत मोठ्या हास्यास्पद परिस्थितीला सामोरे जावे लागण्याची स्थिती निर्माण झाली आहे. पुढारीचे नेतृत्त्व कोण करणार, याबाबत संभ्रम असल्याने आतापर्यंत रूजू झालेली मंडळी बोटावर मोजण्याइतक्या इतकीच आहे. पिंपळवाडकरांनी राजीनामा दिल्यापासून अनुभवी मंडळी रूजू व्हायला तयार नाही. वृत्तसंपादक म्हणून सकाळचे आणि मुख्य बातमीदार म्हणून लोकमतच्या एकाची चर्चा आहे. सद्यःपरिस्थिती बघता तेही अजून रूजू होण्याबाबत चालढकल करत आहेत. कार्यकारी संपादक रूजू झाल्याच्या दिवसापासून गायब आहेत, ते येणार की नाही, याबाबत प्रश्‍नचिन्ह आहे. ते आले नाहीत आणि लवकरच पुढारीने चांगला दुसरा कार्यकारी संपादक निवडला तर थांबलेली मंडळी पटापट रूजू होऊ शकते. तूर्त, आधी दिव्य मराठीला धोका देऊन पुण्यनगरीत वृत्तसंपादक झालेले हे कार्यकारी संपादक, दिव्य मराठीसारखाच धोका पुढारीला देऊन गेलेत, असे चित्र आहे. येत्या एक-दोन दिवसांत बेरक्याच हे चित्र स्पष्ट करेल. दुसरीकडे, पिंपळवाडकर हे पुण्यनगरीत जॉईन होताच, चांगल्या कामाची सुरुवात केलीये, असे दिसतेय. सोबतच पुढारीतून माणसेही फोडायला सुरुवात केली आहे. मल्टिस्किल्स असलेला   एक संपादकीय कर्मचारी चांगला पगार देऊन त्यांनी फोडल्याची चर्चा आहे. हा कर्मचारी पुण्यनगरीत लवकरच जॉईन होईल, असे खात्रीलायक वृत्त आहे.

शनिवार, १३ ऑगस्ट, २०१६

सुशिल कुलकर्णी पुढारीत येताच पिंपळवाडकर पुण्यनगरीकडे...

औरंगाबाद - बेरक्याचा अंदाज तंतोतंत खरा ठरला आहे.पुण्यनगरीतून बाहेर पडलेल्या सुशिल कुलकर्णी यांंची पुढारीच्या कार्यकारी संपादकपदी वर्णी लागली आहे.त्याची अधिकृत घोषणा समुह कार्यकारी संपादक सुरेश पवार यांनी औरंगाबादमध्ये करताच,निवासी संपादक भालचंद्र पिंपळवाडकर यांनी पुढारीचा राजीनामा दिला.ते १६ ऑगस्ट रोजी पुण्यनगरी जॉईन करणार आहेत.
गेल्या दहा वर्षात दोनदा प्रयोग फसल्यानंतर औरंगाबादेत पुढारी अखेर १६ सप्टेबर रोजी सुरू होत आहे,परंतु सुरू होण्यापुर्वीच औरंगाबादेत नाट्यमय घडामोडी घडत आहेत.सुशिल कुलकर्णी यांना पुण्यनगरीतून काढले की त्यांनी स्वत:हून राजीनामा दिला याबाबत वेगवेगळा मतप्रवाह असला तरी कुलकर्णी यांना पुढारीची बंपर लॉटरी लागली आहे.
कुलकर्णी पुढारीमध्ये येत असल्याची कुणकुण लागलाच,पुर्वीचे निवासी संपादक भालचंद्र पिंवळवाडकर यांनी अगोदरच पुण्यनगरीबरोबर सेटींग केली होती.तसे वृत्त बेरक्याने प्रसिध्द केले असता,डॅमेज कंट्रोल करण्यासाठी कोल्हापूरहून समुह कार्यकारी संपादक सुरेश पवार काल औरंगाबादेत दाखल झाले,त्यांनी पिंपळवाडकर यांच्याबरोबर समेट घडवण्याचा प्रयत्न केला परंतु कुलकर्णी यांना सर्वाधिकार देण्यात आल्यामुळे पिंपळवाडकर यांनी पुढारी सोडणे पसंद केले.ते येत्या १६ ऑगस्टला पुण्यनगरी जॉईन करत आहेत.पुण्यनगरीच्या संपादकपदी सुंदर लटपटे यांची वर्णी लागली असतानाही पिंपळवाडकर यांनी लटपटेसोबत काम करण्याचा निर्णय घेतला परंतु सुशिल कुलकर्णी यांच्यासोबत काम करण्याचे नाकारले.
पुढारीने आपणाबरोबर विश्वासघात केल्याचे पिंपळवाडकर यांचे म्हणणे आहे.सुशिल कुलकर्णी हा ज्युनिअर आहे,एका ज्युनिअरच्या हाताखाली काम करण्यापेक्षा एका सिनिअरच्या हाताखाली काम केलेले बरे म्हणून त्यांनी पुण्यनगरीचा रस्ता निवडला.कुलकर्णी पुढारीत येताच पिंपळवाडकर पुण्यनगरीत जात असल्यामुळे इकडेच तिकडे आणि तिकडचे इकडे हा खेळ सुरू होणार आहे.

गुरुवार, ११ ऑगस्ट, २०१६

मग्रुर टोळक्याने वाजविले ‘‘मी मराठी’’चे बारा...

सर्व सामान्यांची दिशाभुल करून चिटफंड घोटाळ्यातून कोट्यावधी रूपयाची माया गोळा करणा-या महेश मोतेवारच्या मुसक्या इडीने तर आवळल्याच पण त्या पाठोपाठ आता त्याची धर्मपत्नी लिनालाही पोलीसांनी काल रात्री पुण्यातून अटक केलीय. स्वतःचे पितळ झाकण्यासाठी महेश मोतेवारने ‘‘मी मराठी’’ या वृत्तवाहिनीसह ‘‘मी मराठी लाईव्ह’’ या दैनिकाचा आधार घेतला होता. परंतु ‘‘ कानुन के हाथ लंबे होते है’ जणू हेच महेश मोतेवारसारख्याला कायद्याच्या रक्षकांनी अटक करून कायदा सर्वसामान्यांसाठी सारखाच असतो हे दाखवून दिले. ऐकेकाळी यशाची शिखरे सर करू पहाणा-या ‘‘ मी मराठी’’ला महेश मोतेवारच्या अटके नंतर उतरती कळा लागली. ज्यासाठी या माध्यमाचा वापर महेश मोतेवार करणार होता तीच माध्यमे मातेवारच्या कामी आली नाहीत. मोतेवारच्या अटके नंतर कांही दिवस रविंद्र आंबेकरने तर कांही दिवस तुळशीदास भोईटेंनी ‘‘मी मराठी’’ सुत्रे हाती घेतली. मालकालाच अटक झालीय म्हटल्यावर बिचा-या स्ट्रिंजरनी पगारीची अपेक्षाही केली नव्हती. केवळ एका बुलेटिन वर गेल्या चार सहा महिण्यापासून तुळशीदास भोईटेंनी कसे बसे चॅनल सुरू ठेवले होते. पण आता त्यांनीही संपादक पदाच्या जबाबदारीतून स्वतची ना विलाजाने सुटका करून घेतलीय. ऐकेकाळी मी मराठीच हिंदी चॅनल लाईव इंडिया पहाणारा विजय शेखरने मी मराठीची धुरा हाती घेतली. अन कुरघोडीच राजकारण सुरू झालं. ज्युनीयर असूनही वरीष्ठांना आदेश देण्याची विजय शेखरची खासीयत. राहूल पहूरकर सारख्या पत्रकाराला हाताशी धरून तो मी मराठीत अवतल्या नंतर विजय शेखरला स्वर्गच ठेंगणा झाला. काटछाटीचे हत्यार हातात घेवूनच ही द्वयी कार्यालयात यायची. त्यांच्या इच्छे विरूध्द असणा-या नव्हे तर भोईटे समर्थकांना संपविण्याचे कारस्थान मी मराठीत सुरू करून आपला वरचश्मा ठेवण्याचा प्रयत्न या महाभागाने सुरू केला. त्याच्या या मग्रुर वाणीस कंटाळून अनेकांनी मी मराठीचा त्याग केला. गेल्या 8 महिण्यांपासून अनेकांचे पगार दिलेच नाहीत. केवळ पगार नसल्यामुळे अनेक कार्यालयीन कर्मचारी व स्ट्रिंजरवर उपासमारीची वेळ आलीय. अशातच  आज नव शिख्यांची मी मराठीत जोमात भरती सुरू आहे. अनुभवाचे प्रमाणपत्र मिळेल ही आशा त्यांना दाखवली जातेय. पण ज्या स्ट्रिंजरनी मी मराठी साठी रक्तांच पाणी करून वृत्त संकलन केलं त्यांना मात्र वा-यावर सोडलं जातयं.
आज मी मराठी सारखे माध्यम उपटसुभांच्या हातात आल्याने अगोदरच मग्रुर असणा-या व आता संपादकीय जबाबदारी पाहणा-या विजय शेखर मध्ये व त्याचा सहकारी राहूल पहूरकर मधील मग्रुरीचा कहर झालाय. मी मराठीची नौका बुडत असतानाही यांची मग्रुरी कांही केल्या कमी होत नाही. महेश मोतेवार जेल बाहेर आल्या नंतर परस्थिती बदलेल असे वाटत असतानाच आता त्याची पत्नी लिनालाही पोलीसांनी ताब्यात घेतल्यांन मी मराठीची नौका बुडाल्यातच जमा आहे. त्याला लवकर बुडविण्याचे काम मात्र विजय राहूल ही जोडगोळी करतेय हे मात्र नक्कीच. मी मराठीची नौका बुडवून बारा वाजवण्याचे स्वप्न पहाणा-या या जोडगोळीच्या अपेक्षा लवकर पूर्ण होवो. हीच सदिच्छा.

सुंदर लटपटे पुण्यनगरीचे नवे संपादक

औरंगाबाद - पुण्यनगरीतून सुशिल कुलकर्णी यांची गच्छंती होताच,त्यांच्या जागेवर लोकपत्रचे माजी संपादक सुंदर लटपटे यांची नियुक्ती करण्यात आली आहे,तर कुलकर्णी पुढारीत जॉईन झाल्यास आणि त्यांना सर्वाधिकार दिल्यास पुढारीचे निवासी संपादक भालचंद्र  पिंपळवाडकर हे पुण्यनगरीमध्ये कार्यकारी संपादक म्हणून जॉईन होणार आहेत.औरंगाबादेत पुढारीच्या निमित्ताने वेगवान घडामोडी सध्या सुरू आहेत.
काही काळ बीडमध्ये गांवकरीचा जिल्हा प्रतिनिधी म्हणून काम केलेले सुशिल कुलकर्णी दिव्य मराठीच्या निमित्ताने पाच वर्षापुर्वी औरंगाबादेत आले,परंतु दिव्य मराठी सुरू होण्याअगोदरच कुलकर्णी पुण्यनगरीमध्ये वृत्तसंपादक म्हणून जॉईन झाले.नंतर निवासी संपादक आणि संपादक म्हणून त्यांना पदोन्नती मिळाली होती,परंतु पुण्यनगरीमधून आर.टी.कुलकर्णी जाताच सुशिल कुलकर्णी यांचीची विकेट पडण्याची शक्यता निर्माण झाली होती.
पुण्यनगरीतून विकेट पडणार,हे माहित झाल्यामुळे सुशिल कुलकर्णी यांनी पुढारीच्या मालकांशी संपर्क साधला आणि आपण पुण्यनगरीचा खप १ लाखाहून १ लाख ८० हजार नेला आणि जाहिरातीचा कोटीचा धंदा दिला हे पटवून दिले.दुसरीकडे पुढारीला योग्य व लायक संपादक न मिळाल्यामुळे नाईलाजास्तव सुशिल कुलकर्णी यांना पुढारीची लॉटरी लागली आहे.
पुण्यनगरीच्या संपादक पदाची जागा खाली होताच औरंगाबादेत अनेकजणांनी फिल्डींग लावली होती,मात्र लोकपत्रचे माजी संपादक सुंदर लटपटे यांची या पदावर वर्णी लागली आहे.लटपटे यांनी गुरूवारी करारपत्रावर सह्या केल्या असून,ते शुक्रवारी जॉईन होणार आहेत.लटपटे एक सडेतोड लिखाण करणारे पत्रकार म्हणून ओळखले जातात.बंद पडलेल्या लोकपत्रला उर्जितअवस्था त्यांनी प्राप्त करून दिली होती.एक निर्भिड,निष्पक्ष आणि सडेतोड लिखाण करणारा  पत्रकार म्हणून त्यांची ओळख आहे.
तिकडे सुशिल कुलकर्णी यांची पुढारीमध्ये कार्यकारी संपादक म्हणून वर्णी लागली आहे.मात्र ते मालकांच्या उपस्थितीत १६ ऑगस्ट रोजी जॉईन होणार असल्याचे कळते.सुशिल कुलकर्णी पुढारीमध्ये येत असल्याचे कळताच,निवासी संपादक भालचंद्र  पिंपळवाडकर यांची चुळबूळ वाढली आहे.कुलकर्णी यांना सर्वाधिकार दिल्यास पिंपळवाड हे पुण्यनगरीमध्ये कार्यकारी संपादक म्हणून जॉईन होणार आहे.
औरंगाबादेत पुढारी सुरू होताच सर्वाधिक फटका पुण्यनगरीला बसणार आहे.त्यामुळे अरविंद शिंगोटे यांनी पुण्यनगरीची टीम कायम ठेवण्यासाठी पिंपळवाडकर यांना गळाला लावल्याचे कळते.पुढारीमध्ये सुशिल कुलकर्णी येताच पुढारीमध्ये जे जॉईन होणार होते,ते अनेकजण वेट अ‍ॅन्ड वॉचच्या भूमिकेत आहेत,तर जे जॉईन झाले ते पुण्यनगरीतमध्ये तर पुण्यनगरीचे पुढारीत येण्याची शक्यता आहे.पुढारीच्या निमित्ताने वेगवान घडामोडी घडत आहेत.
युनिट हेड कल्याण पांडेंचा मनमानीपणा, त्यातच सुशील कुलकर्णींची कार्यकारी संपादक म्हणून वर्णी लागण्याची शक्यता यामुळे पुढारीचे मराठवाडा आवृत्तीचे लाँचिंग चर्चेत आले होते. अनेक जण पुढारीत रूजू होण्यास चालढकल करत असताना, पिंपळवाडकरांच्या पुण्यनगरी प्रवेशामुळे कदाचित त्यांचीही पावले थबकतील, असे चित्र आहे.
औरंगाबादमधील ज्येष्ठ पत्रकार सुंदर लटपटे यांची नियुक्ती संपादकपदी करून पुण्यनगरीने मोठा गेम खेळला असून, भालचंद्र पिंपळवाडकर हेही त्यांच्या सोबत जॉईन झाले तर मराठवाड्यात पुण्यनगरी वेग पकडेल, असे सांगितले जाते. 

फेसबुक वर शेअर करा

Facebook